Historia
22. korrika
- Amurriotik Donostiara
- 2022ko martxoaren 31tik apirilaren 10era
- Leloa: HitzEkin
Koronabirusa, berrogeialdia, konfinamendua, maskara, test azkarra... gogoan al dituzue? Ez zarete okertu, 22. KORRIKAri eskainitako podcastean zaudete, bai. Izan ere, pandemiak mundu osoa astindu zuen, geure KORRIKA kutuna tartean.
Ongi entzun: “KORRIKAren 22. edizioa urtebete atzeratu zen, 2022ra arte. Halaxe erabaki zuen AEK-k, garai hartako osasun egoerak baldintzatuta”
Hizkuntza bat hitzekin osatzen da, baina ekimenek eraikitzen dute hizkuntza baten komunitatea. Euskarak aurrera egin nahi badu, euskaldun (pro)aktiboak behar ditu, konbentzimendutik ekintzara, praktikara, jauzi egingo dutenak.
Beraz, ohar zaitez badugunaz, bagarenaz eta izango garenaz. Hitza emana duzu; orain, egin jauzi ekintzara. Euskara ahoan izan behar dugu herritarrok, elkarteek, erakundeek... Bada ekiteko ordua.
Hitz egiteko ordua. Hortaz, ernatu, larrialdi linguistikoaren alarma gorriak pizten hasiak dira. Ekin diezaiogun berehala: aldekotasunetik konpromisora, eta konpromisotik erakunde orok urrats sendoagoak egin ditzan eragitera, jendartearen nahiei eta beharrei erantzuteko.
Ezinbestekoa da partida hau irabaztea. Ekiteko ordua da, orain bukatu behar da tantoa, orain irabazi behar da norgehiagoka, 22. KORRIKAra batzeko unea da. Eginez eragingo dugu eta eginaraziko diogu elkarri, ikasle, agintari zein eragile orok, guztiok elkarrekin.
Zerekin? Hitzekin, Hitzarekin eta Ekinarekin.
22. Korrikaren mezua
Hitzek hizkuntza, ekinak herria.
Hitzekin ulertzen dugu hizkuntza.
Beraz, ekin! Euskaraz egin.
Hitzetik ekintzara salto, hitz egin eta ekin.
Orain da 22. tantoa egiteko unea, partida irabazi behar da euskaraz eginez, eraginez eta eginaraziz, nork bere tokitik eta eginbeharretik ekinez.
Ikasle, ekin;
euskaldun, ekin;
erdaldun, ekin;
eragile, ekin;
agintari, ekin;
ekin ELKARREKIN.
Gantxoz, bi paretaz zein botez, baliabide anitzekin, eta guztiok hitza emanez.
Ekin, eragin eta eginarazi.
Ekin KORRIKAri
Omendua
Pirritx, Porrotx eta Marimotots (Aiora Zulaika, Joxe Mari Agirretxe eta Mertxe Rodriguez) pailazo-hirukotea da. 1987ko abenduaren 24an sortu zen, Lasarte-Orian, eta gaur egun Euskal Herriko pailazorik ezagunenak eta arrakastatsuenak dira.
Zergatik omendu Pirritx, Porrotx eta Marimotots? 34 urteko ibilbidea egin dutelako euskalmunduan, eta, are garrantzitsuago, euskaraz; eta eragileak direlako, orainaldiari eta etorkizunari begira daudenak. 1987an EKIN zioten, haiei esker askok EKIN diogu, etadatozen belaunaldiek ere EKINgo diote. Haiek transmisioa goitik behera (guraso-ume) eta behetik gora (ume-guraso) landu dute; haiek, beren HITZEKIN, euskarari EKIN zioten, eta eutsi egin diote.
Euskara ez zutenean, euskara ikasteari edota hobetzeari EKIN zioten, eta, orduzgeroztik, euskara ahoan ibili dute 34 urte hauetan. Pirritxek, Porrotxek eta Marimototsek zuzeneko eragina izan dute ume eta guraso askok euskararen hautua egin dezaten.
Beren komunikazio-tresna HITZEKIN osatu dute, ekimen eraikitzailea eta normalizazioaren adibide da haiena. Beren ikuskizun eta kanten bidez, egin, eginarazi eta eragin dute.
PIRRITX, PORROTX eta MARIMOTOTS azken hogeita hamalau urtean erakutsi izan duten konpromisoagatik eta EKINagatik omendu nahi ditu 22. KORRIKAk.
FITXA TEKNIKOA
Korrika edizioa: 22 (2022)
Leloa: Hitzekin
Zuzendari artistikoa: Nerea Urbizu
ABESTIA
Ekoizpena: Tripulante Produce
Errealizazioa eta edizioa: Eymard Uberetagoena
Kamerariak: Diego Azanza
Laguntzaileak: Itsasne Ezkerro
Ekoizle laguntzaileak: AEK-Korrika
Aktoreak: Lekunberriko Ibarberri eskolako 4. mailako ikasleak, Ainara Unanua Arizmendi, Mikel Unanua Arizmendi, Omar Diop, Maddi Egiguren, Laia Igerategi, Itziar Ituño, Ramon Agirre, Begoña Ajuria Blanco, Mikaela Elizalde
Estrak: Baionako Bernat Etxepareko ikasleak (Laia Igerategi, Maddalen Duny-Pétré, Maddi Egiguren, Unax Egiguren, Itzal Aranzabal, Kattalin Harrispuru Diribarne, Garikoitz Agirre, Ainara Larralde, Lore Larralde), Aizarotz herria
BIDEOKLIPA
Izenburua: Hitzekin
Hitzak: Sustrai Colina
Musika: Nerea Urbizu
Abeslariak: Ane García, Anari, Nerea Urbizu
Musikariak:
Ander Zulaika: bateria
Itsaso Etxebeste: baxua
Eñaut Gaztañaga: gitarrak
Nerea Urbizu: pianoa
Grabaketa estudioa: Gaztain estudioa (Zestoa)
Nahasketa eta masterizazioa: Eñaut Gaztañaga
Bideoko irudiak honako tokietan grabatu dira:
Aizarotz
Baiona
Basauri
Baztan
Donostia
Iruñea
Lekunberri
Ondarroa
Eskerrak:
Lekunberriko Haur Eskola eta Elena,
Ibarberriko 4. maila, Ion Arretxea Unanuari
belazea eta traktorea uzteagatik, Aizarotz
herria, Ondarroako Kofradiako Angel,
Antiguako AEK.
Lekukoaren ezkutuko mezua
Aurtengo mezuaren egileak, Karmele Jaiok, plazaratu du lekukoaren barnean iritsitako testua Donostiako bulebarrean; Amurriotik atera eta 11 egunetara.
EKIN EUSKARARI! EUTSI KATEARI!
Korrika Kulturala
EDIZIO HONETAKO ESTREINALDIAK:
Uhinak dokumentalaren emanaldiak
RUPER ORDORIKA, MUIGALARIS ETA BERNARDO ATXAGA | Hautsi da anphora
Haizea Arana, Leire Vargas, Aner Euzkitze eta Oihana Arana | eRRe
Horma Poster kolektiboak | Antigone edo ezetzaren beharra
Jon Maia | Kantu bat gara
Porrotx eta Marimotots | Zorionak Marimotots!
KORRIKA munduan
Hemen dituzue Ikastolen Elkartearekin batera 22. Korrikarako landu ditugun unitate didaktikoak.
Hemen dituzue AEKn euskaltegietarako prestatu ditugun 21. KORRIKAren unitate didaktikoak
Uhinak dokumentala
