albisteak-23 (89)
Harrotasunez, 23. KORRIKA Irundik Baionarat iritsi da
Amaitu da 23. KORRIKA, eta dagoeneko ezagutzen dugu Euskal Herri osotik eskuz esku pasatu den lekukoaren barruko mezu sekretuaren edukia. Aurtengo mezuaren egileak, Garazi Arrula Ruizek, plazaratu du lekukoaren barnean iritsitako testua Baionako Herriko Etxearen parean; Irundik atera eta 11 egunetara.
“Harro Herri”
Garazi Arrularen mezu gogoangarriak azpimarratu du “KORRIKA dela herri bat gose: euskaraz harro bizitzeko gosea”; eta herri horrek ez duela euskararekiko “kontingentzia planik” nahi; baizik eta “egiazko trantsizioa”. Halaber, Arrulak bere mezuan esaten duenez, “desira transmisiorako bide behinena” izanagatik, ez dugula ahaztu behar “hizkuntzaren auzia politikoa dela; eta urgentziazkoa”. Euskararen komunitatea zabaltzeko gura ere aipatu du mezuaren egileak: “Mundu oso bat kabitzen baita euskaran. Garenak eta izango direnak, etorri direnak eta etortzen ari direnak, dagoeneko bagarenak/badirenak”.
AEKren mezua, eta egun osoko besta
Horren ondoren, AEK-ko Artezkaritza Kontseiluko kidea Bixente Claveriek eta AEK-ko Iparraldeko lehendakaria Maider Hegik, bota dituzte AEKren izenean 23. KORRIKA bukatu ondorengo lehen hitzak (HEMEN daude irakurgai).
Pantxika Maitia kazetariak gidatu du amaiera-ekitaldia; eta, bukatzeko, egun osoko azken jaian guztiz murgildu aurretik, Bilaka dantza taldeak eman dio amaiera ekitaldiari.
23. KORRIKAren balorazioa bihar, martxoak 25, egingo du AEK-k, goizeko 10:30ean, Baionako Askatasun plazan, aurtengo edizioa amaitu den lekuan bertan.
Eskerrik asko, Euskal Herria!
Gora KORRIKA, eta biba euskararen Herri Harroa!
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
23.KORRIKAren argazkiak, webgunean!
HARRO HERRI: argazkiak helbide honetan dituzu. Zure kilometroarena topatzen ez baduzu, oraindik igota ez dagoelako izan daiteke, aldiro-aldiro eguneratzen goaz eta, KORRIKA amaitutakoan argazki kopuru handiagoa izango duzu bertan; beraz, mesedez, itxaron Aste Santuen bueltara arte eskaera berriro egiteko, zurea topatzen ez baduzu. Pazientzia pixkat eskatzen dizuegu, eskari mordoa jasotzen ari gara, eta argazki piloa ere ateratzen ari gara.
Bide batez, gogoratu nahi dizuegu zure kilometroaren bideoa KORRIKAren aplikazioan ikus dezakezula (ibilbidearen atalean zure kilometroan klikatuta) eta deskargatu nahi baduzu, Hamaika Telebistako web orrira jo dezakezula.
Ondo izan eta mila-mila esker KORRIKAn parte hartzeagatik!
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
ZAPIAIN sagardotegiak eskainiko du KORRIKAren bukaera bestako sagardoa Baionan
Datorren igandean Baionan ospatuko den KORRIKAren bukaera bestan ZAPIAIN sagardoa dastatzeko aukera izango dute bertaratuko diren euskaltzaleek, Astigarragako sagardotegiarekin sinatutako akordioari esker. Ateratako irabazi guztia KORRIKA babesteko erabiliko da.
ZAPIAIN SAGARDOTEGIAk hainbat urte daramatza euskararen aldeko ekimen ezberdinak lagundu eta babesten, horien artean baita KORRIKA ere. Izan ere, sagardoa aintzinatik euskal kulturari eta hizkuntzari oso lotuta dagoen edaria da. Ion Zapiain sagardotegiko arduradunaren esanetan, "sagardoa ez da soilik produktu bat, kultura eta hizkuntza ere bada, gure herrian hainbat mendetan oso errotua egon den edaria". Hizkuntzak bezala, sagardoak ere gorabehera asko bizi izan ditu historian zehar, eta azken mende erdian berreskuratze ahalegin handiak egin dira, bereziki 1970. hamarkadatik aurrera, euskararekin bezala.
"Ordutik, gure etxeak euskararen aldeko ekimen ugari babestu ditu, euskararen, ikastolen eta euskal kulturaren aldeko festetan parte hartuz, besteak beste. Gure eguneroko hizkuntza euskara da, eta geure sagardoa nazioartera daramagunean ere gure kulturaren zati batek bidaiatzen du botila horien barruan", gaineratu du Zapiainek. "Aurten ere, aurreko edizioetan bezala, 23.KORRIKAri gure babesa adierazi nahi izan diogu, eta igandean Baionan ospatuko den festara gure sagardorik onena eramango dugu, jendeak bertan dastatu ahal dezan". Hain zuzen, urre koloreko etiketa eta "premium" kalifikazioa duen Euskal Sagardoa zerbitzatuko da Lapurdiko hiriburuan.
ZAPIAINek KORRIKAko amaiera festan eskainiko duen sagardoa 2023ko uztan jasotako bertako sagarrekin egindakoa izango da, eta Euskal Sagardoa jatorri deituraren baitan kalifikazio altuena jaso duena. Horregatik dei dakioke "premium" eta eraman dezake urre koloreko zigilua. Izan ere, Zapiainen esanetan, "ekimen honek sagardorik onenarekin ospatzea merezi du". Honela, Baionan ZAPIAIN sagardoaren salmentatik ateratako irabazi guztiak KORRIKAra bideratuko dira.
Zapiain ere HARRO HERRI!
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
Ibilbideari dagozkion aldaketa txikiak (Zarautz eta Durangon)
Adi! Zarautz eta Durangoko ibilbideetan aldaketak:
Zarautz (martxoak 20):
KORRIKAk Zarautz eta Getaria arteko tartea kostako bidetik egingo du, ez Meagan barrena.
Durango (martxoak 22):
(2.196km). Ramon Rubial kaletik Zeharmendieta kalera joateko, obra batzuk sahiestu behar direnez, Unda kaleko zatitxo batetik eta Asteizadorre kaleko beste batetik pasatu beharra dago.
(2.200km). Sasikoa kaletik joan beharrean, Fray Juan de zumarraga kaletik joango gara, Alluitz kalean sartu arte.
(2.203 km) Gasteiz bideko errepide generaletik joan beharrean, Arriluzeaga eta Tabirabidetik joango gara errepide generala berriro hartu arte (Izurtzako lehen kilometroa).
Harro Herri!
Denok Baionarat, 23. KORRIKAren azken jaira!
Baionako Askatasun plazan bukatuko da KORRIKAren 23. edizioaren 2.700 kilometroko ibilbidea, hilaren 24an. Lapurdiko hiriburu osoa zeharkatu ondoren, Santizpirita zubitik sartuko da karabana koloretsua. Amaiera-ekitaldia bertan izanen da, eta, segidan, festarako tenorea helduko zaie bertaratutakoei.
Hilaren 24ko bukaera-egun handia aurkezteko, KORRIKAren arduradunek prentsa-agerraldia egin dute gaur, euskaldunentzako gune biziki ikoniko batean: Baionako Patxa plazan. Deialdia egin dute Euskal Herriko txoko guztietako jendea bertara dadin, eta, era berean, ustea adierazi dute hitzordu ederra izanen dela Baionako herritarrentzat nahiz eragileentzat, euskararen aldeko lanean segitzeko akuilua.
Amaiera-ekitaldia Askatasun plazan izanen da, herri-etxearen (udaletxearen) parean. Lekukoa 12:30erako iritsiko dela aurreikusita dago, azken kilometro nazionalak egin ostean. Une horretan jakinen dugu nor den lekukoaren barruko mezu sekretuaren egilea, eta, noski, baita mezuaren beraren edukia ere. Ekitaldi nagusiaren aurkezlea Pantxika Maitia izanen da, Kanaldude telebista-katearen aurpegi ezaguna.
Bestalde, azken eguneko arduradun Ibai Capot Thornary-k azaldu du “kasik dena prest dela” Baionako jairako eta ospakizunak egun osoa iraunen duela. Festa “handia” prestatu dute auzolanean, “KORRIKAk merezi duen modukoa”; elkarlanean aritu da, halaber, Baionako eta Ipar Euskal Herri osoko antolaketa-taldea: ekitaldiak hainbat gunetan egonen dira sakabanatuta, publiko-mota guztiei begira, egitarauan Iparraldeko kultur eragileen parte hartzea lehenetsita. Haien artean Ibil Bedi, Anje Duhalde, Patxaranga elektrotxaranga eta Pontx pailazoa izanen dira, besteak beste.
Jean René Etchegaray Baionako alkateak ere parte hartu du prentsaurrekoan. Nabarmendu nahi izan du, edizio honetan bereziki, hiri osoa aritu dela buru-belarri KORRIKAren alde.
Amaitzeko, bi ohar garrantzitsu: batetik, AEK-k berariazko protokoloa ezarri duela martxoaren 24a eraso sexista, arrazista eta homofoborik gabeko eguna izan dadin; bestetik, ahal den neurrian, garraio publikoa erabiltzeko gonbita. Hala ere, autoz joanez gero, antolatzaileek Ametzondo merkataritza-gunean aparkatzeko gomendioa bota dute; bertatik autobusa hartu ahal izanen da, 5 minutuan Baionako erdigunera heltzeko. Horrez gain, bakoitzak bere edalontzia ekar dezala, eta txartelak (tiketak) bankuko txartelarekin ere erosten ahalko direla.
Informazio gehiagorako, ikus korrika.eus web-orriko azken jaiaren atal berezia:
Herri-bazkarian jateko txartelak (plater nagusia, zikiroa), helbide honetan eros daitezke.
Igandean denok Baionarat, 23. KORRIKAren azken jaira!
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
Online denda asteazkenean itxiko dugu
Azkar ibili! Izan ere, online denda asteazkenean (martxoaren 20an) itxiko dugu, gaueko 24:00etan.
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
OHARRA: Zuhur joka dezagun
Mesedez, lagunok: gauez KORRIKAra batzen zaretenean, arduraz jokatu eta segurtasun-neurriak hartu (txaleko islatzailea jantzi, argiren bat eraman...)
Eskerrik asko, Herri Harroa!
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
Non batuko zara 23.KORRIKAra?
Ordu gutxi barru abiatuko da Irundik, Baionarako bidean, euskararen aldeko ekimen erraldoia eta hunkigarria. Hamaika egun eta hamar gautan Euskal Herriko zazpi lurraldeak zeharkatuko ditu. Herri Harroaren bizipoza, irriak eta euskararen aldeko orroak izango dira nagusi gaurtik eta martxoaren 24ra bitartean. Lasterketa bitartean gozatu momentua, lekua edo pankarta eskua izan ala ez; KORRIKAren furgonetan zoro zoragarri batzuk egongo dira argazkiak eta bideoak ateratzen, eta gerora webgune honetan zein AEK-KORRIKAren sare sozialetan partekatuko ditugu. Horretaz gain, KORRIKAren doako app-an (Android zein IOS) kilometroen bideoak egongo dira eskuragarri.
Izan KORRIKAren parte!
KORRIKAn parte hartzeko modu asko dago: batzuek lasterka egingo dute, beste batzuek espaloian txalo egingo dute petoa jantzia (edo jantzi gabe), eta beste batzuek, munduaren edozein txokotan egonda ere, Korrika Laguntzailea egingo dira, eta KORRIKA Txikiak antolatuko dituzte.
KORRIKA non, KORRIKAzaleak han
Korrika egiteko asmoa baduzu, KORRIKAren ibilbidea kuxkuxeatu eta erabaki non batuko zaren, webgunean zein KORRIKAren applikazioan begira dezakezu. Hemen hiriburuetako termometroak, hau da, ibilbidea eta ordutegiak auzoz auzo.
BATU 23.KORRIKARA!!
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
EUSKALTEL FUNDAZIOAk eta AEK-KORRIKAk babesletza-akordioa sinatu dute
KORRIKA arduradun Ane Elordik eta Euskaltel Fundazioko zuzendari Sabino San Vicentek babesletza kontratua sinatu dute.
Euskaltel Fundazioak 23.KORRIKAren mezua lau haizeetara zabaltzen lagunduko dio KORRIKAri, eta langileek euskararen aldeko ekimenean parte hartuko dute Derion eta Donostian eskuratutako kilometroetan.
Euskaltel Fundazioa ere Harro Herri!
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
Abiatu da 23. KORRIKA, Irundik Baionarako bidean
Heldu da momentua, erakus dezagun Herri Harroa garela, gauden harro garenaz, eta egiten dugunaz. Bete ditzagun etxe, kaleak eta errepideak euskaraz.
Euskararen aldarria daraman lekukoa irten da Irundik, azkenik, eta Baionan izango da 10 gau eta 11 egun barru.
Hasiera-ekitaldia eguerdian izan da, 15:30ean, San Juan plazan instalatu den oholtzan. Bertan, AEKren hainbat eledunek hastapena eman diote lasterketa erraldoiari, Maddi Sanz arpa-joleak eta Koldo eta Xabi Sorzabalbere txalapartariak lagundurik. Performance txiki batekin, Aize Otaño AEK-ko Artezkaritza kideak eta Beñat Alzaga Bidasoko AEK-ko zuzendariak azaldu dute oraindik zer beharrekoa den KORRIKA; eta, ondoren, azken eguneko mezu sekretua sartu du lekukoan Ane Elordi ekimenaren koordinatzaile nagusiak.
Lehendabiziko kilometroak
Bidasoko AEK euskaltegiko 11 irakaslek eraman dute lekukoa lehendabiziko kilometroan. Bidasoako EKTk hartu du ondoren; eta gero, hurrenkera honetan: EH Bildu Irun, Mondragon Unibertsitateko Enpresagintza Fakultatea, Labe Gorri-Aldabe, Mosku Euskalduna, Burrunba Elektrotxaranga, Irungo Udala, Larreaundi-Olaberria Auzo Elkartea, Eguzkitza eta Belasko ikastetxeak, Cepa Bidasoa HHI eta Pio Baroja BHI, Irungo mendizaleak, Bidasoako ESI Osakidetza, CD Bidasoa, CIFP Bidasoa LHII, LHII Plaiaundi, Izarkom Koop. Elk., Muxikoak, Aita Menni, Kateko Auzokideak eta Argitrans-ek. Ondoren, Hondarribian barrena ibiliko da KORRIKA.
Jaiak aurrera darrai!
Korrikak Bidasoa eskualdea zeharkatu bitartean, Irun jai giroan jarraituko dute.
Hemen hasiera eguneko jaiaren egitaraua.
Gogoratu: KORRIKAri zuzeneko jarraipena egin ahal zaiola webgune honetan zein sare sozialetan. Hortaz gain, KORRIKAren telefonoetako applikazioan kilometroen bideoak egongo dira. Deskargatu (IOS eta Android bertsioak), doakoa da, gainera!
Harro plazan, online zein kanpoko bizitzan.
Harro herri, eta harro KORRIKAn!
Korrika laguntzailea izatearen abantailak Astero, zozketak egingo ditugu LAGUNTZAILEEN artean... 300 sari baino gehiago... Oro har, KORRIKAren ekimenetan lehentasuna edo deskontuak izango dituzu. Deskontuak ere AEK-ko ikastaroetan. AIZU! Aldizkariko harpidetzan... Eta, aldiro-aldiro, gure berri jasoko duzu KORRIKA laguntzaileentzako buletinaren bidez. ...eta garrantzitsuena, KORRIKAren parte zara, zure laguntzarekin egingo dugulako aurrera.Egin zaitez laguntzaile
Eskerrik asko!
More...
Dardara nabaritzen da erraietan. KORRIKA BADATOR!
Jon Zabala Arando (Amoroto, 1990) EHUko Gizarte Psikologia CCE ikertaldeko kidea da, eta psikologia sozialaren esparruan doktorea. Iaz bere ikerketa batek oihartzun handia izan zuen komunikabideetan, zientifikoki frogatu zuen KORRIKAn parte hartzeak eragin psikologiko positiboak dituela gizarte-ongizatean eta ahalduntze kolektiboan.
Zabalarekin hitz egiteko aukera izan genuen eta HONATX bere lanaren inguruan kontatu ziguna. (Argazkia: Nagore Iraola. UPV/EHU).
KORRIKA hasteko 48 ordu baino gutxiago falta direnean, Jon Zabalak ondorengo hausnarketa partekatu izan du KORRIKArekin: "indarrean eta erne mantentzen gaituzten iturri bizigarriak eraiki ditugu bidean. Bizigarri horietako bat KORRIKA da".
Eskerrik asko, Jon, zure hitzek energia eman digute lanean harrotasunez jarraitzeko, eta bizipozaz KORRIKAri hasiera emateko.
Batu denok KORRIKAra!!
Korrika laguntzailea izatearen abantailak Astero, zozketak egingo ditugu LAGUNTZAILEEN artean... 300 sari baino gehiago... Oro har, KORRIKAren ekimenetan lehentasuna edo deskontuak izango dituzu. Deskontuak ere AEK-ko ikastaroetan. AIZU! Aldizkariko harpidetzan... Eta, aldiro-aldiro, gure berri jasoko duzu KORRIKA laguntzaileentzako buletinaren bidez. ...eta garrantzitsuena, KORRIKAren parte zara, zure laguntzarekin egingo dugulako aurrera.Egin zaitez laguntzaile
Eskerrik asko!
Jarraitu KORRIKAri zuzenean
KORRIKA abiatzeko 48 ordu baino ez dira falta. Webgune honetan une oro KORRIKA nola doan zuzenean ikusteko aukera egongo da. Izan ere, 24 orduko jarraipena egongo da. Era berean, KORRIKAren argazkiak egunez egun zein bideokronikak topatuko dituzue webgunean zein sare sozialetan:
Instagram
Facebook
Twitter/X
TikTok
Whatsappez nahiz Telegram kanaletan ere berariazko zabalpena egingo dugu. Kilometro guztietako bideoak KORRIKAren doako applikazioan. Deskargatu (IOS eta Android bertsioak eskuragarri)!
Komunikabide batzuek ere jarraipen berezia egingo diote 23.KORRIKAri, esaterako, BERRIA, NAIZ, EITB, HAMAIKA, KANALDUDE, TOKIKOM, NOTICIAS TALDEA, ARGIA, ARROSA SAREA, EUSKAL IRRATIAK, HITZA, ENPRESABIDEA, KULTURSHAREA, GAZTEZULO...
BATU KORRIKARA, ETA IZAN KORRIKAREN BERRI KORRIKA.EUS WEBGUNEAN ZEIN SAREETAN!
Korrika laguntzailea izatearen abantailak Astero, zozketak egingo ditugu LAGUNTZAILEEN artean... 300 sari baino gehiago... Oro har, KORRIKAren ekimenetan lehentasuna edo deskontuak izango dituzu. Deskontuak ere AEK-ko ikastaroetan. AIZU! Aldizkariko harpidetzan... Eta, aldiro-aldiro, gure berri jasoko duzu KORRIKA laguntzaileentzako buletinaren bidez. ...eta garrantzitsuena, KORRIKAren parte zara, zure laguntzarekin egingo dugulako aurrera.Egin zaitez laguntzaile
Eskerrik asko!
Dena prest Irunen, 23. KORRIKAri hasiera emateko
Datorren ostegunean, martxoaren 14an, Irunen hitzordu garrantzitsua du Euskal Herriko jendarteak; izan ere, “Harro Herri” lelopean, 23. KORRIKA bertatik abiatuko da, arratsaldeko 16:00etan. Goiz-goizetik giro ezin hobea izango da hirian, hainbat ekimen antolatuta.
Egun osoko jaia prestatu dute Irungo herritarrek 23. KORRIKAri hasiera emateko. Egitaraua goizeko 11:00ak aldera hasiko da, Gazte Korrikarekin, eta goiz osoan hainbat ekimenek alaituko dute eguna: Muxikoak (Almudena Grandes plazan), bertso triki-poteoa eta artisau-azoka, besteak beste. HEMEN KORRIKAren HASIERA EGUNEKO INFORMAZIO GUZTIA.
Ondoren, 15:30 aldera, 23. KORRIKAren hasiera-ekitaldia izango da, San Juan plazan instalatuko den oholtzan. Bertan, AEKren hainbat eledunek hastapena emango diote lasterketa erraldoiari, Maddi Sanz arpa-joleak eta Koldo eta Xabi Sorzabalbere txalapartariak lagundurik.
Behin mezua lekuko barruan sartuta, 16:00etan abiatuko da KORRIKA. Lehen kilometroa Bidasoko AEK euskaltegiko 11 irakaslek egingo dute. Euskaltegiko zuzendari Beñat Alzagaren esanetan, «Lehen kilometro horrek islatuko du, alde batetik, euskaraz bizitzeko kemena; bestetik, KORRIKAk hauspo izan nahi duela Irunen euskalduntze-lanak tinko aurrera egiteko».
Lehendabiziko gauaren bila KORRIKAk Lapurdin barrena segitzen duen bitartean, Irunen jaiak segituko du, kontzertu eta ekitaldi anitz (denak Mosku plazaren inguruan): Burrunba elektrotxaranga tabernetatik, eta Esne Beltzaren zein Bad Sound-en kontzertuak agertokian. Horrez gain, bi txosna ere egongo dira edariez horniturik eta beste bat jatekoez, Moskun bertan, 12:30etik gauerdira arte.
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
BAGARA, ETA IZANGO GARA
Iritzi artikuluaren sinatzaileak: KORRIKA arduradun Ane Elordi Alburquerque eta AEKren Artezkaritza kide Aitziber Balantzategi Ibargoitia.
Nor gara? Gizakiok animalia sozialak gara naturalki, eta beste batzuen beharra izan ohi dugu garatzeko. Pertsonok talde edo egitura sozial konplexuak sortu izan ditugu, elkarren artean kooperatzeko zein lehiatzeko, familiatik hasi eta talde politiko, zientifiko edo ekonomikoetaraino. Elkarrekintza horrek ohitura, erritual, herri, balio, arau eta legeak sortu ditu, zeinak gure elkarbizitzaren oinarri diren. Gizakiok, halaber, komunikazio-gaitasun handiak ditugu, eta hizkuntza da, zalantzarik gabe, komunikazio-sistema konplexuak geureganatu eta erabiltzeko ezinbesteko tresna: gure kasuan, euskara.
Hizkuntzak hitzez osatzen dira, gu guztion hitzez, eta nor bere herrira lotzen gaituzte. Guk, euskal hiztun izan edo ez izan, berezko ekosistema eraiki behar dugu euskararen bueltan: euskal komunitatea, euskara ardatz duen taldea. Hizkuntza erreminta da komunitate hori eraikitzeko, eta sendotu egiten du norberaren identitatea; Euskal Herriko ondarea eta kultura ezagutzeko aukera ere ematen du, harreman sozialetarako eta lan-mundurako ateak irekitzen ditu... Hizkuntzak aberastu egiten gaitu, mundu oso bat ezagutzeko eta horren parte izateko aukera emanda.
Euskara hizkuntza, besteak bezalaxe, kultura eta mundu bat da: bertoko hizkuntza da gure kultur izaera eta, munduan, Euskal Herrian, nor izateko modua. Euskarak gure beharra du. Gizakiok beste gizaki batzuen beharra dugun moduan, euskarak euskal komunitatearen beharra du.
Helburu dugu euskara indartsu sartzea herritarron nortasuna eraikitzeko bidean; euskara eragile irabazlea izatea identitatea garatzeko prozesuan. Euskarak egiten gaitu denok euskaldun, gutako bakoitza, baita gure komunitate osoa ere, herria. Orain, Euskal Herriko kaleak hartuta, harro aldarrikatuko dugu asko garela eta gogotsu gaudela oso: euskaraz harro bizitzeko herri-gogoa badela, alegia.
Euskarak izan behar du etorkizuna, euskarak etorkizuna izan behar du, jendeari bizitzan ziurtasun baikorra ematearren. Geroan ere, euskara ezinbestekoa izango da herriaren eta herritarren identitatea trinkotzeko.
Horregatik, euskararen biziberritze-prozesuak ilusioa eta baikortasuna eragin behar ditu; ez da hau mezu goibeletarako garaia, baizik eta animorako eta ilusiorako ordua, nahiz eta badakigun oraindik asko dugula egiteko. Horretarako, era estrategikoan eta komunitarioan jokatu behar dugu: herria batuta, gogoa ardatz. Euskararentzat etorkizun hobea sustatzeko konpromisoa hartu behar dugu orain; beraz, har dezagun dimentsio orotan eragiteko engaiamendua, denok bat eginda. Mugi dezagun euskararen herria, ingurua mugiarazi arte.
23. KORRIKA ate-joka dugu; laster hasiko gara lekukoa eskuz esku eta kilometroz kilometro eramaten, Euskal Herriko jendartea astintzen, ehunka mila lagunen bihotz-taupaden maitasuna eta babesa lau haizetara zabaltzen... Kalera atera gaitezen eta harrotasunez zipriztin ditzagun Kantauri itsasoa, Arabako mahats, Bardeako buztin, Pirinioetako elur eta Meatzaldeko burdina. Ikus, senti eta entzun gaitzatela, bagarelako eta izango garelako! Harro Herri, eta gora KORRIKA! Gora AEK!
Ane Elordi Alburquerque
Aitziber Balantzategi Ibargoitia
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!