Etxepare Lehiaketa

24. KORRIKA martxoaren 19tik 29ra ibiliko da euskal errepideetan zehar, Atharratzetik Bilbora, euskararen aldeko aldarria eginez. Baina ez da soilik Euskal Herrira mugatuko; izan ere, azken urteetan bezala, aurten ere KORRIKAren lekukoa nazioarteko txoko guztietara iritsiko da. AEK eta Etxepare Euskal Institutuaren arteko lankidetzari esker, KORRIKA txikiak eta egitarau bereziak antolatuko dira nazioarteko hainbat unibertsitate eta Euskal Etxetan.

Tartean, 5. aldiz antolatu da dagoeneko abian den bideo-lehiaketa. Mundu osoko ikasleek euskararen aldeko aldarriak bidali dituzte bideo formatuan. AEKren YouTubeko kanalean jarri ditugu ikusgai; eta ikusleek gustukoenen alde bozkatzeko aukera dute!

“Atsegin dut” gehien dituzten bi bideoek (kategoria bakoitzeko batek) irabazi dute: munduko Euskal Etxeetatik bidalitako bideoen artean bozkatuenak eta nazioarteko unibertsitateetako irakurletzetatik jasotako bideo bozkatuenak. Irabazleek online barnetegi bat egiteko aukera izango dute euskararen ikaskuntzan sakontzeko.

BIDEO GUZTIAK HEMEN ERE BAI:

Epeak:

-Otsailaren 25ean parte hartzeko epea bukatuko da (23:59 GMT+1).
-Otsailak 27: Bideoak Youtuben argitaratuko dira eta bozkatzeko epea hasiko da.
-Martxoak 10: Bideoak bozkatzeko epea amaituko da. (10:00 GMT+1).
-Martxoak 11: Bideo irabazlea zein den jakinaraziko dugu.

Sariak:
Irakurletzetako bideo bozkatuenaren egilearentzat bi ikastaro online (ikastaro bakoitza 75 ordukoa eta 3 hilabetetan zehar egitekoa) edo ikastaroaren balio bereko material sorta baten ordez trukatu daiteke -bidalketa barne-, hala izanez gero.

Euskal Etxeetako bideo bozkatuenaren egilearentzat bi ikastaro online (ikastaro bakoitza 75 ordukoa eta 3 hilabetetan zehar egitekoa ) edo ikastaroaren balio bereko material sorta baten ordez trukatu daiteke -bidalketa barne-, hala izanez gero.