Korrika Kulturalaren katalogoa
Korrika Kulturalaren bitartez, AEKk kalitate handiko kultur eskaintza egiten dio Euskal Herriari, euskal kulturaren askotariko adierazpideak bazter guztietara eramanez, Korrikaren alde egindako lana eskertzeko asmoz.
Bagabiltza hurrengo Korrika Kulturalerako katalogoa osatzen, 2025/2026 ikasturtean gure herrietan euskara eta euskal kultura lau haizeetara zabaltzeko, Korrikarekin batera. Beraz, baldin eta sortzailea bazara eta zeure ikuskizuna Kulturalean eskaini nahi baduzu, jarri harremanetan gurekin.
Mesedez, bete galdetegi hau.
Animatu eta izan Korrika Kulturalaren parte!
TALDEAREN IZENA: Tessa Andonegi eta Ainhoa Aierbe
EMANALDIAREN IZENBURUA: Desorduetan
EMANALDI MOTA: Antzerkia
PUBLIKOA: 15 urtetik gorakoa
SINOPSIA
Irrati txikia, oso txikia, auzoko irratia, beno, portaleko irratia egia esan. Sorgintxulo 6 9.Dkoa, hain zuzen ere. Baliabide urriak bai, baina ilusioa eta gogoa infinitoraino eta haratago. Sorgintxulo kaleko Sorgintxulo irratiaren irratsaioak, "Desorduetan" izena darama, parrila osoko arrakastatsuena, bueno, bakarra, baina oso oso arrakastatsua, Sorgintxulo 6 portalean bai, behintzat.
Gaur "Desorduetan" gure irratsaioaren emisioa zuzenean gozatzeko aukera izango duzue. Egongelan egiten dugu, sofan lekua dago, aulki batzuk jarriko ditugu, zer edo zer pikatzeko eta besterik ez...
...beno bai, komuna pasiloaren bukaeran eskuinera, izeba ohean egongo da telebista ikusten, ez dugu uste molestatuko dugunik, zer edo zer entzuten baduzue lasai, karakter handikoa da eta. Azkeneko gauza, hori bai, izebak ez du uzten kaleko zapatilekin sartzen, etxekoak ekarriko, mese? Bale ba . Gero arte.
LOTURAK
https://ttipia.eus/eu/show-item/desorduetan-tessa-andonegi-y-ainhoa-aierbe/