Korrika Kulturalaren katalogoa
Korrika Kulturalaren bitartez, AEKk kalitate handiko kultur eskaintza egiten dio Euskal Herriari, euskal kulturaren askotariko adierazpideak bazter guztietara eramanez, Korrikaren alde egindako lana eskertzeko asmoz.
Bagabiltza hurrengo Korrika Kulturalerako katalogoa osatzen, 2025/2026 ikasturtean gure herrietan euskara eta euskal kultura lau haizeetara zabaltzeko, Korrikarekin batera. Beraz, baldin eta sortzailea bazara eta zeure ikuskizuna Kulturalean eskaini nahi baduzu, jarri harremanetan gurekin: korrika-kulturala@abarprodukzioak.com
Era berean, zure herrian, auzoan... ikuskizunen bat antolatu nahi baduzu, bete galdetegi hau, mesedez.
Animatu eta izan Korrika Kulturalaren parte!
TALDEAREN IZENA:Munduenea – Ipuin-kontalaria
EMANALDIAREN IZENBURUA: Munduenea – Ipuin-kontalaria
EMANALDI MOTA: ipun-kontalaria
PUBLIKO: Familiarra, adin guztiak
SINOPSIA
Munduenea kulturartekotasuna lantzeko ipuin-bilduma da. Munduko 20 hizkuntzatako ipuinak batzen ditu, jatorriko hizkuntzan eta euskaraz.
Ipuin-kontalariak ipuin horiek kontatuko ditu, bide batez herrialde ezbardinetako ohiturak azalduko ditu, hizkuntza eta bestelako ezaugarriak erakutsi, beti ere elkarbizitza bultzatuz.
Ipuina kontatzeaz gainera, tailerra egin daiteke, eskulan edota esperimenturen baten bitartez.
Helburua da kultura ezberdinetako jendea elkarren ondoan bizi garela ikustea, eta bakoitzaren ezaugarriei balioa ematea, tartean direla hizkuntza eta kultura. Besteena agerira ekarri gura dugu, gurea eurei erakusteko.