2. KANTA

Ezagutzen al duzue aurtengo kanta? 

Maite Arroitajauregi Aranburu “Mursego” izan da Korrika 23ko kanta koralaren zuzendari artistikoa. Bera izan da kantan parte hartzen duten abeslarien gidaritza eraman duena. 

Amaia Astobizak aldiz, Korrika 23ko leloa oinarri harturik, hitz joko jolasti bat proposatu digu aurtengo kantaren hitzetan. Harro herri korrika, bagara!

Abestiak bere berezitasunez harro dagoen herriari keinu egiten dio.

Ikusi bideoklipa eta entzun  kanta, ea gustuko duzuen!


Eta orain, denon artean erantzun galdera hauei!

  • Zer iruditu zaizue kanta? Eta bideoklipa? 
  • Zer da gehien gustatu zaizuena? Zerk eman dizue arreta?
  • Gustatzen al zaizue musika estilo hau? Ezagutzen al dituzue abeslariak?

Kanta entzun ondoren ea letran dauden hutsuneak betetzeko gai zareten! Zorroztu ondo belarriak!
Jarduera amaitu ondoren aurreko edizioetako kantak entzun ditzakezu webguneko multimediak atalean.
HARRO HERRI KANTA INTERPRETATZEA
​
Musikako saioetan aurtengo kanta interpretatu nahiko bazenute, partiturak eskuragarri dituzue. Bi aukera dituzue:

-Kantaren akordeekin eta perkusioarekin interpretatzeko sortutako partitura.
  1. ahotsa: kantaren akordeak (xilofonoa, kanpaiak, tubofonoak, metalofonoa… erabil ditzakezue).
  2. ahotsa: perkusioa (perkusio txikia erabiliz interpreta dezakezue).

​-Kantaren melodia interpretatzeko partitura.

Ea guztion artean orkestra eder bat osatzen duzuen!
Hemen dituzu kantaren hitzak eta itzulpenak.
Deskargatu kantaren letra hutsuneekin hemen.
​Deskargatu kantaren letra hutsuneekin Drive formatuan hemen (egin fitxategiaren kopia eta gorde zure kontuan).
Deskargatu kantaren partitura (akordeak) hemen.
​Deskargatu kantaren partitura (melodia) hemen.